صدر مملکت آصف علی زرداری کی رکن صوبائی اسمبلی سہیل انور سیال کی رہائشگاہ آمد ، ان کے چچا ڈاکٹر ذوالفقار سیال کی وفات پر اظہار افسوس کیا
کراچی (بیورو چیف ):صدر مملکت آصف علی زرداری رکن صوبائی اسمبلی سہیل انور سیال کی رہائشگاہ پہنچے اور ان کے چچا ڈاکٹر ذوالفقار سیال کی وفات پر اظہار افسوس کیا۔ ایوان صدر کے پریس ونگ کے مطابق جمعہ کو صدر مملکت آصف علی زرداری نے سہیل انور سیال سے ان کے چچا ڈاکٹر ذوالفقار سیال کی وفات پر اظہار افسوس کیا۔ صدر مملکت نے ڈاکٹر ذوالفقار سیال کے لئے دعائے مغفرت کی اور فاتحہ خوانی کی۔ صدر مملکت نے ادب کے شعبے میں مرحوم ذوالفقار سیال کی خدمات کو خراج تحسین پیش کیا ۔ صدر مملکت نے مرحوم کے اہل خانہ کے ساتھ اظہار ہمدردی کیا اورصبر جمیل کی دعا کی
