برلن؛23مارچ 2025
پاکستان کے 86ویں قومی دن کی مناسبت سے آج سفارت خانہ پاکستان برلن میں پرچم کشائی کی تقریب کا انعقاد کیا گیا۔ جرمنی میں پاکستان کی سفیر محترمہ ثقلین سیدہ نے پاکستان کے دوستوں اور خیر خواہوں کی موجودگی میں پرچم کشائی کی۔ تقریب کے دوران صدر اور وزیراعظم پاکستان کے پیغامات بھی حاضرین کو پڑھ کر سنائے گئے۔
اس موقع پر خطاب کرتے ہوئے سفیر نے کہا کہ یوم پاکستان ہمیں اختلافات سے بالاتر ہو کر پورے خلوص کے ساتھ مادر وطن کی خدمت کرنے کے عزم کی یاد دلاتا ہے۔ انھوں نے مزید کہاکہ پاکستان مختلف محاذوں پر بہت سے چیلنجز سے گزر رہا ہے لیکن قائداعظم کے وضع کردہ اتحاد، ایمان اور نظم و ضبط کے اصول ان مشکل حالات میں ہماری رہنمائی کر سکتے ہیں۔ انہوں نے اس بات کا اعادہ کیا کہ سفارت خانہ پاکستان کی خدمت اور پرچم کو سربلند رکھنے کے لیے کوشاں رہے گا۔اس سادہ مگر پروقار تقریب میں کمیونٹی ممبران، مقامی جرمنوں اور طلباء کی بڑی تعداد نے شرکت کی۔
10
