صدر آصف علی زرداری پرنس کریم آغا خان کے انتقال پر تعزیت کے لیے لزبن روانہ
کراچی۔9فروری (اے پی پی):صدر مملکت آصف علی زرداری پرنس کریم آغا خان کے انتقال پر تعزیت کے لیے اتوار کو پرتگال کے شہر لزبن روانہ ہوگئے۔ایوانِ صدر کے پریس ونگ سے جاری بیان کے مطابق صدر آصف علی زرداری پرنس رحیم آغا خان سے ملاقات میں پرنس کریم آغا خان چہارم کے انتقال پر تعزیت کریں گے ۔ دورے کے دوران، صدر مملکت پرتگال کے صدر مارسیلو ریبیلو ڈی سوسا سے بھی ملاقات کریں گے۔
