اسلام آباد(سٹی رپورٹر) صدر اسلام آباد ہائیکورٹ بار ایسوسی ایشن سید واجد علی گیلانی کی پیر ہاؤس بری امام سرکار آمد،سجادہ نشین دربار حضرت بری امام سرکار و رتے ہوتر شریف پیر سید محمد علی گیلانی سے ملاقات ، الیکشن میں بھرپور حمایت پر شکریہ ادا کیا۔تفصیلات کے مطابق نو منتخب صدر اسلام آباد ہائیکورٹ بار ایسوسی ایشن سید واجد علی گیلانی نے گزشتہ روز پیر ہاؤس بری امام سرکارمیں سجادہ نشین دربار حضرت بری امام سرکار و جانشین رتے ہوتر شریف پیر سید محمد علی گیلانی سے ملاقات کی اور الیکشن میں پیر صاحب کیجانب سے بھرپور حمایت پر ان کا شکریہ ادا کیا اس موقع پر پیر صاحب کا کہنا تھا کہ واجد گیلانی کی جیت سے وکلاء برادری مظبوط ہو گی، انہوں نے اس موقع پر امید ظاہر کی نو منتخب صدر اسلام آباد ہائیکورٹ بار ایسوسی ایشن سید واجد علی گیلانی قانون کی حکمرانی اور بالادستی کیلئے اپنی تمام تر صلاحیتیں کو بروئے کار لائیں گے، اس موقع پر صدر اسلام آباد ہائیکورٹ بار ایسوسی ایشن سید واجد علی گیلانی صاحب نے پیر صاحب بری امام سرکار کو پھولوں کا گلدستہ بھی پیش کیا۔
6
