اسلام آباد، 21 مارچ 2025 – ( حبدار نیوز ) پاکستان اور اسپین کے درمیان تجارتی اور ثقافتی تعلقات کو فروغ دینے کے لیے ایک اہم پیش رفت ہوئی، جس میں اعلیٰ سطحی وفد نے ہسپانوی حکام سے ملاقات کی۔
محترمہ شمائلہ صدیقی، چیئرپرسن برائے سفارتی امور، نے اسلام آباد اسمال چیمبر میں اجلاس کی صدارت کی، جس میں صدر اویس ستی، سینئر نائب صدر جناب طیب سعید اور نائب صدر جناب سردار ظہیر بھی شریک تھے۔
اس موقع پہ سابق صدور قاضی محمد الیاس۔۔ملک ندیم اختر۔ سابق وی پی عقیل عباسی۔ کونسل ممبررضوان صدیقی۔ایگزیکٹیو ممبر راحیل احمد۔۔۔ لال چاند ۔۔ممبر راجہ ریاض ۔ ناصر محمود ۔۔حارث قریشی۔اسد تیمور اور دیگر موجودتھے
18 مارچ 2025 کو اسپین کے سفارت خانے میں اسپین کے سفیر محترم جناب جوز اور اقتصادی و تجارتی اتاشی محترمہ کرسٹینا لو سے ایک کامیاب ملاقات ہوئی۔ اس ملاقات میں تجارتی ترقی، اقتصادی تعاون اور ایکسچینج پروگرامز پر تفصیلی تبادلہ خیال کیا گیا۔ سفیر محترم جناب جوز نے وفد کا گرم جوشی سے استقبال کیا اور کہا کہ یہ پہلا موقع ہے کہ کسی پاکستانی کاروباری برادری نے اسپین کے ساتھ تجارتی اور ثقافتی تعاون کے لیے باضابطہ رابطہ کیا ہے۔ انہوں نے اس اقدام کو دونوں ممالک کے لیے فائدہ مند قرار دیتے ہوئے تعلقات کو مزید فروغ دینے کی خواہش کا اظہار کیا۔
اس سلسلے میں، محترمہ کرسٹینا لو نے 21 مارچ 2025 کو اسلام آباد چیمبر آف اسمال ٹریڈرز اینڈ انڈسٹریز (ICSTSI) کا دورہ کیا۔ چیمبر نے مختلف شعبوں سے تعلق رکھنے والے کاروباری افراد کو مدعو کیا تاکہ باہمی اقتصادی تعاون کے مواقع تلاش کیے جا سکیں۔ اس دوران محترمہ کرسٹینا لو نے چیمبر میں مختلف کاروباری شخصیات کے وفود سے ملاقات کی، جہاں سوال و جواب کا سیشن بھی منعقد ہوا۔ اس موقع پر چیمبر کی جانب سے معزز مہمان کو خصوصی سووینئر پیش کیا گیا، جبکہ محترمہ شمائلہ صدیقی نے انہیں روایتی سندھی اجرک کا تحفہ بھی پیش کیا۔
پاکستانی وفد نے اسپین کے چیمبر کو پاکستان میں میزبانی کی پیشکش کی، جس پر جلد عملدرآمد متوقع ہے۔ اسپین کے سفیر نے پاکستانی چیمبر کو مختلف صنعتی شعبوں میں اسپین کے چیمبرز اور صنعتوں سے روابط بڑھانے کی یقین دہانی کرائی۔
ان شاء اللہ بہت جلد ایک بزنس ڈیلیگیشن اسپین بھی بھیجا جائے گا۔ یہ اقدام پاکستان اور یورپ کے درمیان مضبوط کاروباری اور ثقافتی تعلقات قائم کرنے کی جانب ایک اہم سنگ میل ثابت ہوگا
