آئی جی اسلام آباد سید علی ناصر رضوی کی نیشنل لیول گولڈ میڈلٹ باکسر کانسٹیبل علی نواز سے اپنے دفتر میں ملاقات

آئی جی اسلام آباد سید علی ناصر رضوی کی نیشنل لیول گولڈ میڈلٹ باکسر کانسٹیبل علی نواز سے اپنے دفتر میں ملاقات۔
آئی جی اسلام آباد نے کانسٹیبل علی نواز کی حوصلہ افزائی کی،انہوں نے باکسر علی نواز کو ادارے کی طرف سے امریکہ جانے کے لئے مکمل معاونت کی، تعریفی سرٹیفکیٹ،شیلڈ اور انعام بھی دیا۔
تفصیلات کے مطابق انسپکٹر جنرل آف پولیس اسلا م آباد سید علی ناصر رضوی نے اسلام آباد پولیس کا فخر نیشنل باکسر اسٹیٹ اینڈ ڈسٹرکٹ گولڈ میڈلسٹ کانسٹیبل علی نوازکو اپنے دفتر مدعوکیا اور اس کی حوصلہ افزائی کی،باکسنگ کی فیلڈ میں ملک پاکستان اور اسلام آباد پولیس کا نام روشن کرنے والے پرعزم باکسنگ پلیئر جو اب ”World Police and fire Games 2025” میں شرکت کے لئے مکمل طور پر تیار ہیں، آئی جی اسلام آباد نے علی نواز باکسر کو ادارے کی طرف سے امریکہ جانے کے لئے مکمل معاونت کی، تعریفی سرٹیفکیٹ،شیلڈ اور انعام بھی دیا،اس موقع پر انہوں نے کہا کہ علی نواز باکسر اسلام آباد پولیس کا مثبت چہرہ ہے،اس نے نہ صرف کھیلوں کے میدان میں اسلام آباد پولیس کا نام روشن کیا بلکہ یہ دوسرے افسران کے لئے بھی مشعل راہ ہیں،انہوں نے مزید کہا کہ اسلام آباد پولیس اپنے افسران کو معاشرے میں اپنا مثبت اور نمایاں کردار ادا کرنے کے لئے ہر ممکن سہولیات فراہم کرے گی