آئی جی اسلام آباد سید علی ناصر رضوی کی زیر صدارت سینئر پولیس افسران کے ساتھ کرائم کنٹرول اور سکیورٹی میٹنگزکا انعقاد۔
جرائم کے انسداد ، امن وامان کی صورتحال کو بہتر کرنے، عوامی تحفظ کو یقینی بنانے ،ریڈ زون میں واقع اہم اداروں ،ملکی و غیر ملکی اہم شخصیات،ریاستی مہمان اور وفود کی نقل و حمل کی مو¿ثر سکیورٹی انتظامات کو یقینی بنانے کے احکامات جاری کئے۔
تفصیلات کے مطابق انسپکٹر جنرل آف پولیس اسلام آباد سید علی ناصر رضوی کی زیر صدارت کرائم کنٹرول اور سکیورٹی میٹنگز کا انعقاد کیا گیا،جس میں ڈی آئی جی ہیڈکوارٹرز/سکیورٹی سید علی رضا،ڈی آئی جی اسلام آباد محمد جواد طارق سمیت ایس ایس پیز ،ایس پیز اور دیگر پولیس افسران نے شرکت کیں،دوران اجلاس آئی جی اسلام آباد نے وفاقی دارلحکومت اسلام آباد میں بھرپور سکیورٹی کو یقینی بنانے اور جرائم کے انسداد کے لئے مجموعی انتظامات کا جائزہ لیا،انہوں نے سینئر پولیس افسران کو ریڈ زون میں واقع اہم اداروں ،سفراء،سفارت خانوں ،دیگر ملکی و غیر ملکی اہم شخصیات ،ریاستی مہمانوں اور اہم وفود کی نقل و حمل اور مو¿ثر سکیورٹی انتظامات کو یقینی بنانے کے احکامات جاری کئے،اس موقع پر انہوں نے کہا کہ ہائی سکیورٹی زون میں واقع اہم عمارات اورسفارت خانوں کے داخلی و خارجی راستوں کی نگرانی سیف سٹی اسلام آباد کے کیمرہ جات سے عمل میں لائی جائے،وفاقی دارلحکومت میں غیر ملکی سفراءاور وفود کی حفاظت اسلام آباد پولیس کی اولین ترجیحات میں شامل ہے ،آئی جی اسلام آباد نے وفاقی دارلحکومت میں جرائم کے انسداد کے لئے اٹھائے گئے اقدامات کا بھی جائزہ لیا،انہوں نے تمام افسران کو جرائم کے انسداد ،عوامی تحفظ کو یقینی بنانے اور وفاقی دارلحکومت میں امن وامان کی صورتحال بہتر کرنے کے احکامات جاری کئے،تمام افسران چوری ، ڈکیتی، منشیات فروشی اور دیگر سنگین جرائم کے سدباب کے لئے جدید ٹیکنالوجی کے استعمال اور خفیہ اطلاعات کے تبادلہ کے ذریعے فوری اور موثر اقدامات کو یقینی بنائیں،انہوں نے افسران کو مزید احکامات جا ری کر تے ہوئے کہا کہ وہ زیر تفتیش مقدما ت کو میرٹ پر یکسو کرکے ٹھوس شواہد کے ساتھ چالان مجاز عدالتوں میں بھجوائیں اور مجرمان کو زیادہ سے زیادہ عدالتوں سے سزائیں دلوائیں، جرائم پیشہ گروہوں کے عدم گرفتار ارکان کی گرفتاریاں یقینی بنائی جائیں،آئی جی اسلام آباد نے مزید کہا کہ اشتہاری ملزمان کی زیادہ سے زیادہ گرفتاریاں کی جائیں، شہریوں کی جان و مال کا تحفظ ہماری اولین ترجیح ہے اس میں کسی بھی قسم کی کوتاہی برداشت نہیں کی جائے گی۔
14
