اسلام آباد (حبدار نیوز )
نائب صدر و ترجمان فیڈریشن آف رئیلٹرز پاکستان رانا اکرم نے کہا ہے کہ یوم یکجہتی کشمیر کشمیری عوام کے ساتھ تجدید عہد وفا کا دن ہے، 77سال سے کشمیر ی عوام حق خود ارادیت کی جدوجہد میں مصروف ہیں۔ہم آج کے دن یوم یکجہتی کشمیر پر اپنے کشمیری بھائیوں کی غیر متزلزل حمایت کا اعادہ کرتے اور پاکستانی قوم کشمیری بھائیوں کو جدوجہدِ آزادی میں کبھی تنہا نہیں چھوڑے گی ۔انہوں نے کہا کہ بھارتی ریاستی دہشتگردی کے باوجود کشمیریوں کا آزادی کا موقف مضبوط ہو رہا ہےبھارت نے سوچے سمجھے منصوبے کے تحت مقبوضہ کشمیر میں کالے قوانین کا نفاذ کیا ہے۔بزنس کمیونٹی حق خود ارادیت کے حصول تک کشمیری بھائیوں کیساتھ کھڑی ہے۔کشمیر جنوبی ایشیا کا ایسا سلگتا ہوا مسئلہ ہے، جسے حل کیے بغیر امن کا قیام ممکن نہیں عالمی برادری اور اقوام متحدہ مسئلہ کشمیر کا اپنی قراردادوں کے مطابق حل یقینی بنائے۔
32
