اڑان پاکستان معاشی ترقی کا روڈمیپ موجود ہے،ہرشعبے کے مطابق پالیسی اور لائحہ عمل تیارہے،، پاکستان کی تیز رفتار ترقی کیلئے ہم سب کو مل کر کام کرنا ہوگا، فرح ناز اکبر

اسلام آباد(سٹاف رپورٹر )پاکستان مسلم لیگ(ن) اسلام آباد شعبہ خواتین اسلام آباد کی صدر ورکن قومی اسمبلی ووفاقی پارلیمانی سیکرٹری تعلیم و پروفیشنل ٹریننگ وقومی ورثہ فرح ناز اکبرنے جاری بیان میں کہاہے کہ مسلم لیگ(ن) نے ماضی میں بھی پاکستان کی خدمت کی اور آج بھی قائد نوازشریف کی سرپرسرستی میں وزیراعظم شہبازشریف اور وزیراعلیٰ پنجاب مریم نواز کی قیادت میںپاکستان کو ترقی یافتہ، خوشحال اور خودکفیل بنانے کے مشن پر گامزن کرکے ایک مرتبہ پھر اڑان بھرچکاہے، پاکستان کی مزیدتیز رفتار ترقی کیلئے ہمیں سب کو مل کر کام کرناہوگا۔انہوں نے کہاکہ “اڑان پاکستان” میں ملک کی معاشی ترقی کیلئے مکمل روڈ میپ موجود ہے،ہر شعبے کے مطابق پالیسی اور لائحہ عمل تیار ہے اب صرف عملدآمد کی ضرورت ہے ، اب ہماا امتحان بھی یہی ہے کہ “اڑان پاکستان” کے تحت تمام اہداف حاصل کئے جائیں۔مسلم لیگی رہنما فرح ناز اکبرنے مزید کہاکہ ملکی سیاست میں قائدنوازشریف کا کردارایک مسلمہ حقیقت ہے اور وہی پاکستان کی تعمیر وترقی اور استحکام کے حقیقی خالق ہیں جنہوںنے ملک میں میگا پراجیکٹس کے جال بچھائے،موٹرویزبنائیں،لوڈشیڈنگ اور دہشت گردی کاخاتمہ کرکے امن بحال کرایا اور ملکی معیشت کو اپنے پاﺅں پر کھڑا کرنے سمیت صنعتی ترقی کی بنیاد رکھی،پاکستان کی ترقی اور سالمیت کیلئے نوازشریف کی کاوشیں قابل تعریف ہیں جنہیں کبھی فراموش نہیں کیاجاسکتا اورموجودہ مشکل ترین حالات میں قائدنوازشریف کی رہنمائی سے وزیراعظم شہبازشریف دن رات محنت کرکے ملک کی معیشت کو استحکام دینے کیلئے کوشاں ہیں،حکومتی اقدامات سے معیشت درست سمت میں گامزن ہے، اس وقت پوری دنیا کے مالیاتی ادارے بھی پاکستان کی تعریف کررہے ہیں۔انہوں نے کہاکہ صرف ایک سال کے مختصرعرصے میں مسلم لیگ(ن) کی حکومت نے عوامی ریلیف کے متعدد اقدامات کئے اور بجلی کی قیمتوں میں حالیہ کمی اس کا منہ بولتاثبوت ہے،وزیراعظم شہبازشریف کی طرف سے بجلی کی قیمتوں میں7سے8روپے فی یونٹ کمی کرکے پاکستانی عوام کیلئے نہ صرف قیادت کا عملی ثبوت دیا ہے بلکہ یہ بھی ثابت کردیا ہے کہ مسلم لیگ(ن) ہی پاکستان کو مشکلات سے نکال سکتی ہے اور آئندہ سال بھی انشاءاللہ مہنگائی کم ہوگی اور عوامی مفاد کے منصوبے بنیںگے۔